khya ap janta hai

سوال:عشرۂ مُبشّرہ کن صحابہ کو کہاجاتاہے؟

جواب:اُن دس(10)صحابۂ کرام رضی اللہ عنہم کو جنہیں پیارے آقا صلَّی اللہ علیہ واٰلہٖ وسلَّم نے ایک ساتھ جنّت کی بشارت  دی۔ (ترمذی،ج5،ص416،حدیث:3768)

سوال: عشرۂ مُبشّرہ کے نام کیا ہیں؟

جواب:حضرت سیدنا ابو بکر صدیق،حضرت سیدنا عمر فاروقِ اعظم، حضرت سیدنا عثمانِ غنی، حضرت سیدنا علی المرتضیٰ، حضرت سیدنا طلحہ بن عُبَیدُ اللہ ، حضرت سیدنا زُبیر بن عوّام، حضرت سیدنا عبد الرحمٰن بن عوف، حضرت سیدنا سعْد بن ابی وقاص، حضرت سیدنا سعید بن زید اور حضرت سیدنا ابو عُبَیدہ بن جرّاح رضی اللہ عنہم اجمعین۔(ترمذی،ج5،ص416،حدیث:3768)

سوال:اللہ پاک کی بھیجی ہوئی مشہور چار کتابیں کن کن انبیائے کرام علیہمُ السَّلام پر نازل ہوئیں ؟

جواب:(1)توریت شریف حضرت سیّدناموسیٰ علیہ السَّلام پر (2)زبور شریف حضرت سیّدنا داؤد علیہ السَّلام پر (3)انجیل شریف حضرت سیّدنا عیسیٰ علیہ السَّلام پر اور (4)قراٰنِ مجید اللہ  کے آخری نبی حضرت سیّدنا محمد صلَّی اللہ علیہ واٰلہٖ وسلَّم پر۔

سوال: قیامت کے دن دوبارہ زندہ کئے جانے کے وقت اللہ پاک سب سے پہلے کس کو زندہ فرمائے گا؟

جواب:صُورپھونکنے والے فرشتے حضرت سیّدنا اسرافیل علیہ السَّلام کو۔(ملفوظاتِ اعلیٰ حضرت،ص523)

ـــــــــــــــــــــــــــــــــــــــــــــــــــــــــــــــــــــــــــــــ